Ayın sonu pulsuz qalmağa səbəb olan maaş xərcləmə metodu

Ruzanna Bəşirova
        Xərclər üzrə konsultant

Büdcə planlaması zamanı edilən səhvlərdən biri də maaş alan kimi bütün ehtiyacları almağa çalışmaqdır. Hələ bunu plansız etmək daha pis nəticə verə bilər.

Maaş aldığımız zaman əlimizdə pul çox olduğu üçün bəzən bizim üçün əhəmiyyətli olmayan bəzi məhsulları da alırıq. Plansız edilən bu alış-veriş bəzən ayın son günlərini pulsuz qalmağımıza, bəzən isə hətta borc götürməyimizə də səbəb ola bilir. Buna görə də pul xərcləyərkən duyğusal deyil, planlı hərərət etmək önəmlidir.

Maaş aldığımız zaman doğru xərcləmək üçün nə etməliyik?

Maaşı ayın axırı və ayda bir dəfə aldığımızı nəzərə alsaq, deməli, o zaman aşağıdakı qaydalara əməl etməklə doğru xərcləyə bilərik

1.    Ay ərzində ehtiyac siyahısı yazmaq

2.    Maaş aldığımız zaman öncə büdcə planlaması etmək

3.    Ehtiyac siyahısını vacib və təcili olaraq ayırmaq

4.    Aylıq və məcbur ödənişləri etdikdən sonra digər alış-verişləri sıralamaq

Bu sıralamanı şəxs özünə görə tərtib etməlidir.

Məcbur olan ödənişlərdən sonra yer alan digər alış-verişlərin sıralaması insanın ehtiyaclarına görə dəyişdiyi üçün bu mövzuda ümumiləşdirmək çətin olsa da, hər kəsin ehtiyacı olan

1.    ərzaq və qida məhsulları

2.    geyim

3.    Gigiyenik və təmizlik məhsulları

4.    İdman və sağlamlıq xərcləri

5.    Əyləncə və bərpa

6.    Digər xərclər

Bu şəkildə ayırmaq və onları da öz növbəsində təcili və vacib olaraq ayıraraq almağa çalışmaq olar.

Ən önəmlisi isə, duyğusal xərcləri nəzərdən keçirib onların bizə həqiqətən də faydalı olub-olmadığına əmin olduqdan sonra xəcləməkdir.

Əgər alış-veriş etdiyiniz zaman özünüzü yaxşı hiss etsəniz də, evə gəldikdən sonra aldığınız məhsullar sizi xoşbəxt etmirsə, deməli doğru məhsullar almamısınız. Və növbəti alış-verişdə bu cür məsələlərə diqqət etməlisiniz.