ABŞ-da 200 milyonluq investisiya qərarları verən azərbaycanlı Bakıda startaplara seminar verəcək

Bakıda startaplar və sahibkarlar üçün "İnvestorlar hansı startaplara pul yatırmaq istəyir?" adlı seminar keçiriləcək.

Valyuta.az-ın təşkilatçılığı ilə baş tutacaq tədbirin qonağı ABŞ-da fəaliyyət göstərən "Traction Fund" vençur fondunun təsisçisi və investisiya direktoru Ülvi Rəşid olacaq.

Seminarda startapların investisiya cəlbi prosesində qarşılaşdığı çətinliklər, investorların diqqət yetirdiyi əsas meyarlar, uğurlu pitch hazırlığı və inkişaf strategiyaları müzakirə ediləcək.

Tədbir interaktiv formatda keçiriləcək və iştirakçılar suallarını birbaşa səsləndirə biləcəklər.

Ülvi Rəşid 10 ilə yaxındır ABŞ-da vençur investisiyaları sahəsində fəaliyyət göstərir. O, Unicorn Battle beynəlxalq startap yarışının münsifidir və “Alchemist Accelerator”a qəbul olunan “Armeta AI” və “Cybernet AI” kimi regional startaplara dəstək verib.

Azərbaycanla bağlı fəaliyyətinə gəlincə, o, eyni zamanda ABŞ startaplarına regionda investor tapmağa köməklik edir. Azərbaycan şirkətlərini isə ABŞ-dakı texnoloji startaplarla əlaqəsinə dəstək olur.

“Traction Fund” böyümə mərhələsində olan startaplara yatırım edir. Bu günədək 21 şirkətə ümumilikdə 211 milyon dollar investisiya yatırıb və portfelində SpaceX, Kraken və Figure Technologies kimi tanınmış şirkətlər yer alır.

Tarix: 3 iyul 19:00

Məkan: SABAH.HUB

Müddət: 2 saat

Bilet qiyməti: Simvolik ödəniş 50 AZN

Qeyd: Startapı olan ilk qeydiyyatdan keçən 10 bakalavr tələbəsi üçün iştirak ödənişsiz olacaq.

İştirak etmək üçün  bu linkdən qeydiyyatdan keçmək lazımdır.