“AccessBank”ın nağd vəsaitləri 26,7 milyon manat azalıb

Bu ilin I rübündə “AccessBank”ın nağd pul vəsaitləri və ekvivalentləri, o cümlədən bloklaşdırılmış nağd vəsaitləri azalıb.

Valyuta.az xəbər verir ki, bankın nağd pul vəsaitləri və ekvivalentləri illik müqayisədə 16,7% və ya 26 milyon 673 min manat azalaraq 132 milyon 962 min manat təşkil edib.

2025-ci ilin eyni dövründə bu göstərici 159 milyon 635 min manat olub.

Hesabat dövründə bankın cəmi aktivləri də artıb.

Belə ki, aktivlər ötən ilin eyni dövrü ilə müqayisədə 12,41% və ya 195 milyon 650 min manat artaraq 1 milyard 771 milyon 869 min manata çatıb. 2025-ci ilin I rübündə bu göstərici 1 milyard 576 milyon 219 min manat təşkil edib.

Bankın cəmi depozitlərində də artım qeydə alınıb. Bu ilin I rübündə depozitlər 3,43% və ya 36 milyon 388 min manat artaraq 1 milyard 96 milyon 540 min manata yüksəlib. Ötən ilin eyni dövründə isə bu göstərici 1 milyard 60 milyon 152 min manat olub.

Eyni zamanda, hüquqi şəxslərin depozitlərində azalma müşahidə edilib.

Cari ilin ilk üç ayında hüquqi şəxslərin depozitləri illik müqayisədə 17,84% və ya 41 milyon 492 min manat azalaraq 191 milyon 151 min manat təşkil edib.

2025-ci ilin I rübündə isə bu göstərici 232 milyon 643 min manat olub.

Tənzilə Ağabalayeva