Avropada enerji böhranı maliyyə böhranına çevrilə bilər - Aİ narahatdır

Avropa İttifaqı rəsmiləri enerji böhranının maliyyə böhranına çevrilə biləcəyindən narahatlıq keçirirlər. Məlumat Avropa İttifaqı rəsmilərinə istinadən dərc olunub.

Valyuta.az "Financial Times"a istinadən xəbər verir ki, Aİ rəsmiləri hökumətləri həddindən artıq dəstək tədbirlərindən çəkinməyə çağırır. Xəbərdarlıq edilir ki, enerji sahəsindəki şok vergi-büdcə böhranına çevrilə bilər.

Avropa Komissiyasının enerji məsələləri üzrə komissarı Dan Yorqensen qeyd edib ki, iqtisadiyyatın bir sektorunda baş verən hadisələr bütün cəmiyyətə təsir göstərə bilər.

Rəsmiyə görə, dəstək tədbirləri qısa müddətli olmalıdır, əks halda bu, istehsal müəssisələrinin bağlanmasına gətirib çıxara bilər.

Qeyd edək ki, 28 fevralda ABŞ İsraillə birlikdə İrana qarşı hərbi əməliyyata başlayıb. Buna cavab olaraq Tehran İsrailə və Yaxın Şərqdəki ABŞ bazalarına raketlər və pilotsuz uçuş aparatları ilə zərbələr endirir. İran tərəfi həmçinin dünya neft tədarükünün təxminən 30 faizinin keçdiyi Hörmüz boğazını bağlayıb. Bu isə neft qiymətlərində kəskin artıma səbəb olub.

Paşa Məmmədli