Bitkilərin sığortalanmasında yığımlar 9 milyonu keçdi, ödənişlər kəskin azaldı

Cari ilin ilk ayında kənd təsərrüfatı bitkilərinin sığortası üzrə 9 milyon 232 min manat dəyərində yığım həyata keçirilib.

Valyuta.az xəbər verir ki,öÖtən ilin eyni dövründə bu göstərici 7 milyon 785 min manat olub.

Bu isə illik müqayisədə 1 milyon 447 min manat və ya 18,58% artım deməkdir.

Ödənişlərə gəldikdə isə azalma qeydə alınıb. Belə ki, cari ilin ilk 2 ayında kənd təsərrüfatı bitkilərinin sığortası üzrə 126 min manat ödəniş edilib.

Ötən ilin eyni dövründə isə bu rəqəm 1 milyon 101 min manat təşkil edib. Nəticə etibarı ilə illik müqayisədə ödənişlər 975 min manat və ya 88,55% azalıb.

Sərvanə Rəmixanova