Redaktor
"Azərsilah" departament direktoru axtarır
Azərsilahda Maliyyə hesabatlılığı və Mühasibatlıq departamentinin direktoru vakansiyası mövcuddur.
Valyuta.az xəbər verir ki, namizəd üçün tələblər aşağıdakılardır:
Təhsil pilləsi (minimum): Bakalavr (magistr dərəcəsi olması arzu olunandır)
Təhsil ixtisası: Mühasibatlıq, maliyyə və ya iqtisadiyyat üzrə
İş təcrübəsi (minimum): Müvafiq sahə üzrə ən az 5 il (beynəlxalq audit şirkətlərində və real sektor sahəsində təcrübəsi olanlara üstünlük veriləcək)
Dil bilikləri : Azərbaycan dili, Ingilis dili (Rus dili arzuolunandır)
Kompüter bilikləri: Peşəkar səviyyədə Microsoft office proqramları (əsasən Excel)
Digər zəruri tələblər: Beynəlxalq sertifikatların mövcudluğu (ACCA/CIMA)
VƏZİFƏNİN TƏLƏB ETDİYİ SƏRİŞTƏLİLİKLƏR:
Təşkilatçılıq, idarəetmə və şəxsi keyfiyyətlərin yüksək olması;
Çeviklik və sürətli templi mühitdə prioritetləri təyin etmək bacarığı;
Komanda daxili və digər departament və qurumlarnan efektiv komunikasiya qurma bacarığı;
Analitik düşünmə,mürəkkəb və texniki detallara diqqət bacarığı.
ƏMƏK FUNKSİYASI:
Aylıq, rüblük və illik hesabatların MHBS-ə müvafiq dəqiq və tam şəkildə müəyyən edilmiş vaxtda bütün zəruri dəstək sənədləri ilə birlikdə hazırlanmasını təmin etmək;
Maliyyə nəticələrinin mütəmadi komunikasiyası,təhlili və təkmilləşdirilməsi istiqamətində təkliflərin verilməsi;
Mühasibatlıq əməliyyatları üzərində nəzarəti təmin etmək və hesabların düzgün və tam şəkildə bağlanmasına nəzarət etmək;
Portfel şirkətlərdə dövri maliyyə nəticələrinin hazırlanmasını və təhlilini, , hesabatların rəhbərliyə təqdimatını təmin etmək;
Maliyyə və idarəetmə uçotunun düzgün qurulmasına nəzarəti təmin etmək;
Hesabatların dəqiqliyini artırmaq üçün maliyyə sistemlərini, prosesləri və prosedurları qiymətləndirmək və təkmilləşdirmək;
Yeni qurulacaq ERP-də maliyyə hesabatlılığının təkmilləşdirilməsi ilə bağlı təkliflər vermək və ERP komandası ilə bərabər onların icrasına nail olmaq;
Səhmdarlar,Müşahidə Şurası, vergi və digər dövlət qurumları tərəfindən tələb edilən maliyyə hesabatlarının düzgün və vaxtında təqdim edilməsini təmin etmək.
