Biznes kreditləri portfeli son bir ildə 1,3 milyard manatdan çox böyüyüb

Azərbaycanın kredit portfelinin əsas hissəsini təşkil edən biznes kreditlərinin həcmi aprel ayında 16 milyard 312,6 milyon manata çatıb.

Valyuta.az xəbər verir ki, bu, ötən ilin eyni dövrü ilə müqayisədə 1 milyard 359,9 milyon manat və ya 9,1% artım deməkdir.

Göstərici bu ilin mart ayı ilə müqayisədə isə 97,8 milyon manat və ya 0,60% yüksəlib.

Ötən ilin eyni dövründə bankların biznes kreditləri portfeli 14 milyard 952,7 milyon manat, bu ilin mart ayında isə 16 milyard 214,8 milyon manat təşkil edib.

Tənzilə Ağabalayeva