"Əgər bir lider səndən daha artığını tələb etmirsə, deməli səni inkişaf etdirmir"

"Əgər bir lider səndən daha artığını tələb etmirsə, deməli səni inkişaf etdirmir".

Valyuta.az xəbər verir ki, bu fikirləri türkiyəli sahibkar Mustafa Civanoğlu sosial şəbəkə hesabında səsəndirib.

"İlk vaxtlar düşünürdüm ki, lider dediyin insan səni motivasiya etməli, özünü yaxşı hiss etdirməlidir. Amma zaman keçdikcə anladım ki, özünü yaxşı hiss etdirən hər kəs səni irəli aparmır.
Məni həqiqətən inkişaf etdirən insanlar məndən daha artığını istəyənlər idi. Sual verəndə aydın cavab verən, bəhanələrimi qəbul etməyən, daim daha yaxşı olmağımı istəyən insanlar".

M.Civanoğlu əlavə edib ki, belə vaxtlarda o an çətin gəlir, insan narahat olur: "Amma insan məhz həmin anlarda inkişaf edir, sonra isə anlayır ki, insan rahat olduğu yerdə böyümür.

Unutmayaq ki, bizi ən çox inkişaf etdirən insanlar bizi ən çox çətinliyə salan insanlar olur. Çünki həqiqi lider səni sadəcə rahatlaşdırmır, potensialını ortaya çıxarmağa çalışır".

Sərvanə Rəmixanova