İnsanlar kafedə oturaraq bu cihaz vasitəsilə işləyə biləcəklər - Chi Xu

Ağıllı eynəklər uzun illərdir texnologiya dünyasının ən iddialı və problemli layihələrindən biri hesab olunur. "Xreal" şirkəti isə bu sahədə nəhayət uğur qazana biləcəyini düşünür.

Şirkətin qurucusu və baş icraçı direktoru Chi Xu bildirib ki, ağıllı eynək sənayesində fəaliyyət göstərən şirkətlərin əksəriyyəti hələ də zərərlə işləyir.

Valyuta.az xəbər verir ki, Xu bu açıqlamaları "Google" ötən həftə keçirdiyi "Google I/O" tədbirində edib. Şirkət tədbirdə “Project Aura” adlı yeni "XR" eynəklərini təqdim edib.
"Xreal"ın yeni Aura modeli "OLED" ekranlarla təchiz olunan bu model, izləyiciyə birbaşa eynəyin daxilində izləməyə imkan yaradır. Qurğu kiçik ölçülü əlavə kompüter - “puck” vasitəsilə çalışır.

Şirkətin sözlərinə görə, cihaz vasitəsilə immersiv "Google Maps" xəritələri, "VR" formatlı "YouTube" videoları, jestlə idarə olunan oyunlar və virtual iş mühiti funksiyalarından istifadə etmək mümkün olacaq.

Xu hesab edir ki, ağıllı eynəklər yalnız əyləncə üçün deyil, iş mühiti üçün də faydalı ola bilər: “İnsanlar kafedə oturaraq bu cihaz vasitəsilə işləyə bilərlər”.

Qeyd olunur ki, hazırda "Aura" modeli yalnız tərtibatçılar üçün əlçatandır. Şirkət məhsulu bu ilin sonuna qədər kommersiya satışına çıxarmağı planlaşdırır.

Xreal eyni zamanda "IPO" prosesinə hazırlaşır. Şirkətin birja debütünün 2026-cı ilin sonuna qədər baş tutacağı gözlənilir.

Xu bildirib ki, şirkət xərcləri azaltmaq və mənfəət marjasını artırmaq üzərində çalışır. Onun sözlərinə görə, "Xreal" gələn il ilk dəfə zərərsiz fəaliyyət göstərə bilər.

Nuranə Mübariz