"Qala Sığorta"nın yığımları 24 milyon manatdan çox azalıb

2026-cı ilin yanvar-aprel aylarında “Qala Sığorta” ASC-nin yığımları 16 milyon 732 min manat olub.

Valyuta.az xəbər verir ki, bu, ötən ilin eyni dövrü ilə müqayisədə 59,26% və ya 24 milyon 339 min manat azdır.

Belə ki, 2025-ci ilin yanvar-aprel aylarında sığorta şirkətinin yığımları 41 milyon 71 min manat təşkil edib.

“Qala Sığorta” ASC-nin ödənişlərində isə cüzi artım müşahidə olunub.

Sığorta şirkətinin ödənişləri 258 min manat və ya 3,35% artaraq 7 milyon 951 min manat təşkil edib.

2025-ci ilin eyni dövründə şirkət 7 milyon 693 min manat sığorta ödənişi həyata keçirib.

Tənzilə Ağabalayeva