“Qarabağ Taxıl” nizamnamə kapitalını 1 milyon manatdan çox azaldıb

“Qarabağ Taxıl” MMC nizamnamə kapitalının azaldıldığını elan edib.

Valyuta.az xəbər verir ki, cəmiyyətin nizamnamə kapitalı 1.414.000 manat azaldılaraq 3.638.442 manat müəyyən edilib. Qeyd edək ki, şirkətin əvvəlki nizamnamə kapitalı 5.052.442 manat təşkil edib.

Məlumata görə, bu barədə cəmiyyətin bütün debitor və kreditorları məlumatlandırılıb. Azərbaycan Respublikasının qanunvericiliyinə əsasən, kreditorlar nizamnamə kapitalı azaldılan hüquqi şəxsin öhdəliklərinin xitam verilməsini, vaxtından əvvəl icrasını və dəymiş zərərin ödənilməsini tələb etmək hüququna malikdirlər.

“Qarabağ Taxıl” şirkəti 2012-ci ildən fəaliyyət göstərir. Qanuni təmsilçisi Vüqar Baloğlanov Samir oğludur. Dövlət dəstəyi ilə Azərbaycanda ilk özəl iri taxılçılıq təsərrüfatı məhz bu müəssisədə yaradılıb.

Mayya Hüseynova