“AccessBank”ın vaxtı keçmiş kreditləri 7,6 milyon manat artıb

2026-cı ilin I rübünün yekununa görə, “AccessBank”ın cəmi vaxtı keçmiş kreditlərinin həcmi 77 milyon 939 min manat təşkil edib.

Valyuta.az xəbər verir ki, bu göstərici ötən ilin eyni dövrü ilə müqayisədə 10,9 faiz və ya 7 milyon 664 min manat artım deməkdir.

Belə ki, 2025-ci ilin I rübündə bankın vaxtı keçmiş kreditlərinin həcmi 70 milyon 275 min manat olub.

Sahələr üzrə göstəricilərə gəlincə, sənaye sektorunda vaxtı keçmiş kreditlər 914 min manat və ya 37,59 faiz artaraq 3 milyon 346 min manata yüksəlib.

Kənd təsərrüfatı sahəsində vaxtı keçmiş kreditlərin həcmi 2 milyon 825 min manat və ya 30,6 faiz artaraq 12 milyon 58 min manata çatıb. Nəqliyyat sektorunda bu göstərici 2 milyon 32 min manat və ya 58,1 faiz artaraq 5 milyon 532 min manat olub.

Ticarət müəssisələrində isə vaxtı keçmiş kreditlərin həcmi 2 milyon 899 min manat və ya 11,8 faiz artaraq 27 milyon 525 min manata yüksəlib.

Qeyd edək ki, 2025-ci ilin I rübündə vaxtı keçmiş kreditlərin həcmi sənaye sahəsi üzrə 2 milyon 432 min manat, kənd təsərrüfatı sahəsi üzrə 9 milyon 233 min manat, nəqliyyat sahəsi üzrə 3 milyon 500 min manat, ticarət müəssisələri üzrə isə 24 milyon 626 min manat təşkil edib.

Tənzilə Ağabalayeva