“AFB Bank”ın faiz gəlirləri iki dəfəyə yaxın artıb

"AFB Bank" 2026-cı ilin I rübü üzrə maliyyə göstəricilərini açıqlayıb. Hesabata əsasən, bankın gəlirləri, aktivləri və depozit portfelində illik müqayisədə artım qeydə alınıb.

Valyuta.az xəbər verir ki, bankın cəmi faiz gəlirləri 2026-cı ilin I rübündə 11 milyon 53 min 620 manat təşkil edib.

2025-ci ilin eyni dövründə bu göstərici 5 milyon 724 min 860 manat olub. Nəticədə faiz gəlirləri 5 milyon 328 min 760 manat və ya 93,1% artıb.

"AFB Bank"ın cəmi aktivləri hesabat dövrünün sonuna 482 milyon 7 min 58 manat olub.

Bu göstərici ötən ilin eyni dövründə 299 milyon 584 min 97 manat təşkil edib. Beləliklə, bankın aktivləri 182 milyon 422 min 961 manat və ya 60,9% yüksəlib.

Bankın cəmi depozitləri 2026-cı ilin I rübündə 274 milyon 299 min 64 manat səviyyəsində olub. 2025-ci ilin müvafiq dövründə bu rəqəm 130 milyon 765 min 34 manat idi.

İllik müqayisədə depozit portfeli 143 milyon 534 min 30 manat və ya 109,8% artıb.

Fiziki şəxslərin depozitləri isə daha yüksək dinamika nümayiş etdirib.

Cari ilin I rübündə bu göstərici 166 milyon 210 min 75 manat olub. Ötən ilin eyni dövründə əhalinin depozitləri 49 milyon 178 min 30 manat təşkil edib.

Beləliklə, fiziki şəxslərin depozitləri 117 milyon 32 min 45 manat və ya 237,9% artıb.

Tənzilə Ağabalayeva