"Bank Respublika"da diqqətçəkən azalma: nağd vəsaitləri 58%-dən çox azalıb

Hesabat dövründə "Bank Respublika"nın nağd pul vəsaitləri və ekvivalentlərində, o cümlədən bloklaşdırılmış nağd vəsaitlərində azalma müşahidə olunub.

Valyuta.az xəbər verir ki, bu göstərici ötən ilin eyni dövrü ilə müqayisədə 307 milyon 545,29 min manat və ya 58,61% azalaraq 217 milyon 141,18 min manat təşkil edib.

Qeyd edək ki, 2025-ci ilin eyni rübündə bankın nağd pul vəsaitləri və ekvivalentləri 524 milyon 686,47 min manat olub.

Eyni zamanda, bankın cəmi depozitlərində də azalma qeydə alınıb.

Belə ki, depozitlərin həcmi illik müqayisədə 58 milyon 57,27 min manat və ya 4,8% azalaraq 1 milyard 154 milyon 184,20 min manata enib.

Ötən ilin eyni dövründə isə bu göstərici 1 milyard 212 milyon 241,47 min manat təşkil edib.

Hesabat dövründə fiziki şəxslərin depozitləri 13 milyon 36,25 min manat və ya 2,11% azalaraq 603 milyon 312,08 min manat olub.

Hüquqi şəxslərin depozitləri isə 45 milyon 21,02 min manat və ya 7,55% azalaraq 550 milyon 872,12 min manata düşüb.

Qeyd edək ki, 2025-ci ilin I rübündə bankdakı fiziki şəxslərin depozitləri 616 milyon 348,33 min manat, hüquqi şəxslərin depozitləri isə 595 milyon 893,14 min manat olub.

Tənzilə Ağabalayeva