AzSığorta I rübdə zəifləyib - Qazancı 29% aşağı düşdü

2026-cı ilin I rübü AzSığorta üçün uğurlu olmayıb.

Valyuta.az xəbər verir ki, sığorta şirkətinin I rüb üzrə gəlirləri 160 min 689,60 manat və ya 5,72% azalıb.

Cari ilin ilk üç ayında şirkət 2 milyon 650 min 721,10 manat gəlir əldə edib. Ötən ilin eyni dövründə isə bu göstərici 2 milyon 811 min 410,70 manat olub.

Şirkətin xərcləri isə 2 milyon 306 min 807,18 manat təşkil edib. Ötən ilin eyni dövründə bu rəqəm 2 milyon 328 min 425,35 manat olub ki, bu da illik müqayisədə 21 min 618,17 manat və ya 0,93% azalma deməkdir.

AzSığorta ASC-nin maliyyə mənfəəti bu ilin ilk üç ayı üzrə 343 min 913,92 manat təşkil edib ki, bu da ötən ilin eyni dövrü ilə müqayisədə 139 min 71,43 manat və ya 28,79% azalma deməkdir. Belə ki, ötən ilin müvafiq dövründə bu göstərici 482 min 985,35 manat olub.

Sözügedən sığorta şirkəti cari ilin ilk 3 ayında 275 min 131,14 manat xalis mənfəət əldə edib. Bu da ötən ilin eyni dövrünün göstəricisi olan 386 min 388,28 manatla müqayisədə 111 min 257,14 manat və ya 28,79% azalma deməyə əsas verir.

AzSığorta ASC-nin sığorta aktivləri 30 milyon 461 min 947,04 manat olub. Ötən ilin eyni dövründə isə şirkətin aktivləri 30 milyon 596 min 257,65 manat təşkil edib.

Beləliklə, illik müqayisədə sığorta şirkətinin aktivləri 134 min 310,61 manat və ya 0,44% azalıb.

Öhdəliklərə gəldikdə isə cari ilin ilk 3 ayı üzrə 10 milyon 604 min 167,27 manatlıq öhdəlik hesabatda qeyd olunub. Ötən ilin eyni dövründə şirkətin öhdəlikləri 11 milyon 377 min 556,53 manat olub.

İllik müqayisədə şirkətin öhdəliklərində 773 min 389,26 manat və ya 6,80% azalma olub.

Sərvanə Rəmixanova