Əmlak sığortası üzrə yığımlar 65,9 milyon manata çatıb

Əmlak sığortası haqları və ödənişlərində artım qeydə alınıb.

2026-cı ilin yanvar-mart aylarında əmlak sığortası üzrə sığorta haqları 65 milyon 901 min manat təşkil edib.

Valyuta.az xəbər verir ki, bu, 2025-ci ilin eyni dövrü ilə müqayisədə 13 milyon 146 min manat və ya təxminən 24,9% çoxdur.

Hesabat dövründə sığorta ödənişləri 9 milyon 570 min manat olub ki, bu da illik müqayisədə 1 milyon 61 min manat və ya 12,5% artım deməkdir.

Qeyd edək ki, 2025-ci ilin yanvar-mart aylarında əmlak sığortası üzrə sığorta haqları 52 milyon 755 min manat, sığorta ödənişləri isə 8 milyon 509 min manat təşkil edib.

Tənzilə Ağabalayeva