Azərbaycanda düyünün orta idxal qiyməti 8,6% azalıb

Bu ilin yanvar-aprel aylarında Azərbaycana 18 milyon 009,01 min ABŞ dolları dəyərində 20 min 476,62 ton düyü idxal edilib.

Valyuta.az xəbər verir ki, düyü idxalı həcm baxımından 2 min 436,16 ton və ya 10,6%, dəyər baxımından isə 4 milyon 030,26 min ABŞ dolları və ya 18,3% azalıb.

Qeyd edək ki, keçən ilin eyni dövründə  ölkəyə 22 milyon 039,27 min ABŞ dolları dəyərində 22 min 912,78 ton düyü idxal olunmuşdu.

Bu ilin yanvar-aprel aylarında idxal olunan düyünün 1 tonunun orta idxal qiyməti 879,5 ABŞ dolları təşkil edib. Ötən ilin eyni dövründə isə bu göstərici 961,8 ABŞ dolları olub.

Nəticədə orta idxal qiyməti illik müqayisədə 82,3 ABŞ dolları və ya 8,6% azalıb.