Sement ixracından əldə olunan gəlirlər 4 milyon azalıb

Azərbaycanın sement ixracı həm həcm, həm də dəyər baxımından azalıb.

Valyuta.az xəbər verir ki, 2026-cı ilin yanvar-aprel aylarında Azərbaycan 220 min 57 ton hazır və ya klinker formasında sement ixrac edib. İxracın dəyəri 12 milyon 935 min ABŞ dolları təşkil edib.

2025-ci ilin eyni dövrü ilə müqayisədə sement ixracı həcm ifadəsində 41 min 964 ton və ya 16 faiz azalıb. Ötən ilin ilk 4 ayında isə 262 min 21 ton sement ixrac olunub.

Eyni zmaanda dəyər ifadəsində də azalma qeydə alınıb. Belə ki, 2025-ci ilin yanvar-aprel aylarında sement ixracının dəyəri 17 milyon 7 min ABŞ dolları olduğu halda, bu göstərici cari ilin eyni dövründə 4 milyon 71 min ABŞ dolları və ya təxminən 24 faiz azalaraq 12 milyon 935 min ABŞ dollarına düşüb.