“Gabala Hospitality Group”a yeni baş icraçı direktor təyin edilib

Ramin Qurbanov “Gabala Hospitality Group” şirkətinin baş icraçı direktoru (CEO) vəzifəsinə təyin olunub.

Valyuta.az xəbər verir ki, o, bu təyinatadək 2024-cü ilin sentyabr ayından şirkətdə əməliyyatlar üzrə baş direktor (COO) vəzifəsində çalışıb.

R.Qurbanovun hotelçilik və turizm sahəsində uzunillik idarəçilik təcrübəsi var. O, 2024-cü ilin fevral-sentyabr aylarında “Courtyard by Marriott” hotelinin baş meneceri olub. Bundan əvvəl isə 2020–2024-cü illərdə “Gabala Hospitality Group”da klaster baş menecer vəzifəsində fəaliyyət göstərib.

Karyerası ərzində həmçinin “Qafqaz Tufandağ Mountain Resort Hotel”, “Fairmont Baku, Flame Towers” və “ABSHERON Hotel Group” kimi hotellərdə müxtəlif rəhbər vəzifələrdə çalışıb.

R.Qurbanov 2010-2011-ci illərdə Almaniyanın Bremen Ali Məktəbinin Beynəlxalq Magistratura Mərkəzində (IGC) beynəlxalq turizm menecmenti üzrə MBA dərəcəsi alıb. O, bakalavr təhsilini isə Qafqaz Universitetində biznesin idarəedilməsi ixtisası üzrə başa vurub. İngilis və rus dillərini bilir.

Mayya Hüseynova