Rəhbər dəyişimindən sonra "AL Market"in maliyyə rəhbəri yenidən vəzifəsinə qaytarılıb - FOTO

“Azərsun Holding”in tabeliyində fəaliyyət göstərən AL Market mağazalar şəbəkəsində Maliyyə rəhbəri vəzifəsinə təyinat olub.

Valyuta.az xəbər verir ki, bu vəzifə Qabil Əhmədova həvalə edilib.

Q.Əhmədov bundan əvvəl 2025-2026-cı illərdə“Puva Construction & Engineering” şirkətində maliyyə direktoru vəzifəsində çalışıb.

Xatırladaq ki, 2019-2025-ci illərdə də AL Market mağazalar şəbəkəsində Maliyyə rəhbəri vəzifəsini icra edib və hazırkı təyinatla həmin vəzifəyə yenidən qayıdıb.

Q.Əhmədov 1997-ci ildən “Azərsun”da fəaliyyət göstərir. 2004-2007-ci illərdə Maliyyə bölməsinin rəhbəri, 1997-2004-cü illərdə isə maliyyə mühasibi vəzifəsində çalışıb.

1992-1997-ci illərdə Azərbaycan Dövlət İqtisad Universitetində (UNEC) beynəlxalq iqtisadi münasibətlər ixtisası üzrə magistr təhsili alıb. İngilis və rus dillərini bilir.

Mayya Hüseynova