“İrşad” BOKT-un zərəri 2,25 dəfə artıb

“İrşad” MMC bank olmayan kredit təşkilatı (BOKT) 2025-ci ili 153 min 312,54 manat zərərlə başa vurub.

Valyuta.az BOKT-un maliyyə hesabatına istinadən xəbər verir ki, bu göstərici 2024-cü illə müqayisədə 2,25 dəfə artıb.

Qeyd edək ki, 2024-cü ildə BOKT ili 68 min 068,21 manat zərərlə başa vurmuşdu.

Bu il yanvarın 1-nə “İrşad”ın aktivləri 1 milyon 26 min 654,78 manat təşkil edib. Bu isə illik müqayisədə 6,09 % və ya 66 min 643,16 manat azdır.

2024-cü ildə  BOKT-un aktivləri 1 milyon 93 min 297,94 manat olub.

BOKT-un nizamnamə kapitalı isə 250 min manat və ya 25 % artaraq 1 milyon 250 min manata çatıb.

Tənzilə Ağabalayeva