Mebel idxalı gerilədi: ilk rübdə 26,4 milyon dollar

Cari ilin yanvar-mart aylarında Azərbaycana 26 milyon 437,75 min ABŞ dolları dəyərində mebel və onun hissələri idxal olunub.

Valyuta.az xəbər verir ki, bununla da mebel və onun hissələrinin idxalında illik müqayisədə 4 milyon 129,04 min ABŞ dolları və ya 13,51% azalma qeydə alınıb.

Belə ki, ötən ilin eyni dövründə bu göstərici 30 milyon 566,79 min ABŞ dolları təşkil edib.

Ümumi idxaldakı payına gəldikdə isə, cari ilin ilk 3 ayı üzrə mebel və onun hissələrinin payı 0,66% olub. Bu göstərici ötən ilin eyni dövründə 0,54% təşkil edib.

Beləliklə, illik müqayisədə ümumi idxaldakı pay 0,12 faiz bəndi və ya 22,2% artıb.