“Para” BOKT zərərdən mənfəətə keçdi - Hesabat

“Para” bank olmayan kredit təşkilatı (BOKT) 2025-ci il üzrə maliyyə nəticələrini açıqlayıb.

Valyuta.az xəbər verir ki, 31 dekabr 2025-ci il tarixinə təşkilatın xalis mənfəəti 6,232 min manat, 2024-cü ildə isə 1,202 min manat xalis zərər olub.

Xalis faiz gəlirləri 2025-ci ildə 633 min manat, 2024-cü ildə isə 4,247 min manat təşkil edib. Bu göstərici üzrə azalma 3,614 min manat və 85,1% olub.

Cəmi aktivlər 13,356 min manat və 72.2% azalaraq 2025-ci ilin sonunda 5,157 min manat olub. 2024-cü ildə isə 18,513 min manat təşkil edib.

Müştərilərə verilmiş kreditlər 2025-ci ildə 155 min manat, 2024-cü ildə isə 10,376 min manat olub. 

Cəmi öhdəliklər 2024-cü ildəki 37,650 min manatdan, 2025-ci ilin sonunda 18,063 min manata enib. Bu göstərici üzrə azalma 19,587 min manat və 52.0% təşkil edib.

Xatırladaq ki, “Para” BOKT 2016-cı ildə lisenziyası ləğv edilən “Parabank” ASC-nin bazasında 2017-ci ildə yaradılıb. Təşkilatın nizamnamə kapitalı 29,266 milyon manatdır.

Mayya Hüseynova