Son illərdə mənzil tikintisinə 7,5 milyard manatdan çox investisiya yatırılıb

İqtisadiyyatın əsas diqqət mərkəzində olan sahələrdən biri də tikinti, xüsusilə mənzil tikintisidir. Son illərdə bu sahəyə yatırılan investisiyanın həcmi də artmaqdadır.

Maraqlıdır, son illərdə mənzil tikintisinə nə qədər vəsait yönəldilib?

Valyuta.az xəbər verir ki, son 4 ildə (2022-2025-ci illərin yanvar-dekabr ayları üzrə) mənzil tikintisinə ümumilikdə 7 milyard 543,9 milyon manat investisiya yatırılıb.

Belə ki, 2025-ci ilin yanvar-dekabr aylarında mənzil tikintisinə 3 milyard 74,4 milyon manat vəsait yönəldilib. Bu, 2024-cü ilin yanvar-dekabr ayları ilə müqayisədə 501,7 milyon manat və ya 19,5% artım deməkdir. 2024-cü ildə göstərici 2 milyard 572,7 milyon manat olub.

2024-cü ilin yanvar-dekabr aylarında bu sahəyə yönəldilən investisiya 2023-cü ilin yanvar-dekabr ayları ilə müqayisədə 1 milyard 601,3 milyon manat və ya 164,8% artıb. 2023-cü ildə göstərici 971,4 milyon manat olub.

2023-cü ilin eyni dövründə mənzil tikintisinə yatırılan investisiya 2022-ci ilin yanvar-dekabr ayları ilə müqayisədə 46 milyon manat və ya 5,0% artıb. 2022-ci ildə bu rəqəm 925,4 milyon manat təşkil edib.

Qeyd edək ki, 2021 və 2020-ci illərin yanvar-dekabr ayları üzrə göstəricilər rəsmi mənbələrdə açıqlanmayıb.

Sərvanə Rəmixanova