Pensiya məbləğinin aşağı olduğu bölgələr - CƏDVƏL

Azərbaycanda aprel ayının 1-i vəziyyətinə təyin olunmuş pensiyaların orta aylıq məbləği məlum olub.

Valyuta.az xəbər verir ki, ölkə üzrə pensiya alanların sayı 1 milyon 99 min 228 nəfər təşkil edib.

Həmin dövrə təyin olunmuş pensiyaların orta aylıq məbləği 594,42 manat olub.

İqtisadi rayonlar və inzibati ərazi vahidləri üzrə ən aşağı orta aylıq pensiya məbləği Xocalı rayonunda qeydə alınıb. Belə ki, rayonda təyin olunmuş pensiyaların orta aylıq məbləği 437 manat təşkil edib. Siyahıda növbəti yerlərdə Balakən (442,52 manat), Xızı (445,62 manat) və Biləsuvar (448,21 manat) rayonları qərarlaşıb.

Ən aşağı pensiya məbləğinin qeydə alındığı ilk onluqda Ağdam, Zaqatala, Masallı, Astara, Xocavənd və Qəbələ rayonları da yer alıb.

Mayya Hüseynova