TV-lərdə ayda 2 milyard saatdan çox “YouTube Shorts” izlənilir

"YouTube" istifadəçiləri ay ərzində televizorlarda 2 milyard saatdan çox "YouTube Shorts izləyir.

Valyuta.az xəbər verir ki, qısa videolar əsasən telefonlar üçün nəzərdə tutulsa da, artıq böyük ekranlarda da sürətlə populyarlaşır. Şirkətin məlumatına görə, “living room” adlandırılan TV izlənməsi "YouTube"un ən sürətlə böyüyən istiqamətlərindən birinə çevrilib.

"YouTube" rəsmiləri bildiriblər ki, izləyicilər artıq həm uzun videoları, həm podkastları, həm də qısa videoları televizorda izləməyə üstünlük verir. Platforma bu tendensiyanı gücləndirmək üçün Google TV-də “Sizin üçün qısa videolar” bölməsini istifadəyə verib.

Şirkətin məlumatına görə, təkcə ABŞ-də istifadəçilər gündəlik 200 milyon saatdan çox "YouTube" məzmunu izləyir.

"YouTube" həmçinin podkast izlənməsində də ciddi artım qeydə alıb. Belə ki, 2025-ci ildə istifadəçilər aylıq 700 milyon saatdan çox podkastı televizor cihazlarında izləyib. Bu göstərici 2024-cü ildə 400 milyon saat idi.

Sərvanə Rəmixanova