"Unibank"a depozit üçün daha çox kim üz tutur - əhali, yoxsa şirkətlər?

2026-cı ilin I rübünün sonuna "Unibank"da depozitlərin ümumi həcmi 1 milyard 378 milyon 499 min manat təşkil edib.

Valyuta.az xəbər verir ki, bu göstərici 2025-ci ilin eyni dövrü ilə müqayisədə 173 milyon 219 min manat və ya 14,4% çoxdur.

2025-ci ilin I rübündə bankın ümumi depozit portfeli 1 milyard 205 milyon 280 min manat olub.

Bankda depozitlərin əsas hissəsi fiziki şəxslərin payına düşüb. Hesabat dövrünün sonunda fiziki şəxslərin depozitləri 1 milyard 98 milyon 683 min manat təşkil edib. 2025-ci ilin I rübündə bu göstərici 964 milyon 69 min manat olub. Bu, illik müqayisədə 134 milyon 614 min manat və ya 14% artım deməkdir. 

Hüquqi şəxslərin depozitləri isə 2026-cı ilin I rübünün sonunda 279 milyon 816 min manat səviyyəsində olub. Bu kateqoriya üzrə illik artım 38 milyon 605 min manat və ya 16% təşkil edib. 2025-ci ilin eyni dövründə şirkətlərin depozitləri 241 milyon 211 min manat olub.

Beləliklə, "Unibank"da depozit portfelində üstünlük yenə də əhaliyə məxsus olub. 2026-cı ilin I rübünün sonuna fiziki şəxslərin depozitləri ümumi portfelin təxminən 79,7%-ni, hüquqi şəxslərin depozitləri isə 20,3%-ni təşkil edib.

Mayya Hüseynova