Vilyam Hacıyevin lüks avtomobilləri satılır - Qiymətlər açıqlandı

İmişli Rayon İcra Hakimiyyətinin keçmiş başçısı Vilyam Hacıyevin müsadirə olunmuş daha iki avtomobili yenidən satışa çıxarılır.

Valyuta.Az-ın oxu.az-a istinadla verdiyi xəbərə görə, avtomobillər İqtisadiyyat Nazirliyi yanında Əmlak Məsələləri Dövlət Xidməti tərəfindən iyunun 11-də keçiriləcək hərracda satışa təqdim olunacaq.

Söhbət Vilyam Hacıyevə məxsus olduğu bildirilən "Land Rover Range Rover" və "BMW 740i" markalı minik avtomobillərindən gedir.

Hərrac elanına əsasən, "Land Rover Range Rover" markalı avtomobilin start qiyməti 42 min manat, beh məbləği isə 4 200 manat müəyyən edilib. Avtomobil alıcı tapılmadığı üçün artıq 4-cü dəfə 25 faiz endirimli qiymətlə hərraca çıxarılır.

Digər nəqliyyat vasitəsi - "BMW 740i" markalı avtomobil isə 17 250 manat start qiyməti ilə satışa çıxarılacaq. Bu avtomobil üçün beh məbləği 1 725 manat təşkil edir. Sözügedən avtomobil də 4-cü dəfə 25 faiz endirimli qiymətlə hərraca təqdim olunur.

Qeyd edək ki, bundan əvvəl Vilyam Hacıyevin müsadirə edilmiş digər avtomobillərinin satışa çıxarılması barədə məlumat verilmişdi. Hərraclarda yalnız "Bentley Continental GT" markalı avtomobil satılıb.