“Yapı Kredi Bank”ın ümidsiz kreditləri 29,3 mln. manatı ötüb

2026-cı ilin ilk üç ayında "Yapı Kredi Bank Azərbaycan”ın kredit portfeli 487,8 milyon manat təşkil edib.

Valyuta.az xəbər verir ki, bu göstərici 2025-ci ildəki 320,6 milyon manatdan 167,2 milyon manat və ya 52,1% çoxdur.

Hesabat dövründə vaxtı keçmiş kreditlərin həcmi də artıb. Belə ki, bu göstərici 32,2 milyon manatdan 34,6 milyon manata çatıb ki, bu da 2,4 milyon manat və ya 7,4% artım deməkdir.

Eyni zamanda, 2026-cı ilin ilk üç ayı üzrə ümidsiz kreditlərin həcmi ötən ilin eyni dövrü ilə müqayisədə 28,4 milyon manatdan 29,3 milyon manata yüksəlib. 984 min manat və ya 3,5% artım olub.

Təhlükəli kreditlərin həcmi isə 373 min manatdan 997 min manata yüksələrək 624 min manat və ya 2,67 dəfə çoxdur.

Mayya Hüseynova