Azərbaycan limon idxalına 3 ayda 5 milyon manata yaxın vəsait xərcləyib

Cari ilin ilk 3 ayında Azərbaycan xarici ölkələrdən ümumilikdə 3 min 838,5 ton təzə və ya qurudulmuş limon və laym idxal edib. İdxalın dəyəri isə 2 milyon 931,71 min ABŞ dolları ((4 milyon 983,9 min manat) təşkil edib.

Valyuta.az xəbər verir ki, sözügedən məhsulun idxalında əsas pay Türkiyənin payına düşüb.

Belə ki, hesabat dövründə Türkiyədən 3 min 726,05 ton limon və laym idxal olunub. Bu məhsulların dəyəri 2 milyon 817,97 min ABŞ dolları olub. Orta idxal qiyməti hər kiloqram üçün 0,76 dollar və ya 1,29 manat təşkil edib.

İran İslam Respublikasından 47,47 ton məhsul gətirilib. İdxalın dəyəri 35,6 min ABŞ dolları olub. Orta qiymət hər kiloqram üçün 0,75 dollar və ya 1,28 manat təşkil edib.

Suriya Ərəb Respublikasından 37,15 ton limon və laym idxal olunub. Məhsulun dəyəri 27,95 min ABŞ dolları olub. Orta qiymət hər kiloqram üçün 0,75 dollar və ya 1,28 manat olub.

Braziliyadan 15,4 ton məhsul idxal edilib. Bunun üçün 31,59 min ABŞ dolları ödənilib. Orta qiymət hər kiloqram üçün 2,05 dollar və ya 3,49 manat olub.

Cənubi Afrika Respublikasından isə 12,4 ton limon və laym gətirilib. İdxalın dəyəri 18,24 min ABŞ dolları təşkil edib. Orta qiymət hər kiloqram üçün 1,47 dollar və ya 2,50 manat olub.

Bundan əlavə, Kolumbiyadan 0,01 ton, Vyetnamdan isə 0,03 ton limon və laym idxal edilib.

Eyni zamanda, Azərbaycan sözügedən məhsulun ixracını yalnız Səudiyyə Ərəbistanına həyata keçirib. Hesabat dövründə bu ölkəyə 0,03 ton limon və laym satılıb. İxracın ümumi dəyəri 0,07 min ABŞ dolları təşkil edib. Orta ixrac qiyməti hər kiloqram üçün 2,33 dollar və ya 3,96 manat olub.

Sərvanə Rəmixanova