"Nvidia" daha bir startapı satın alıb

"Nvidia" müəssisələrə öz məlumatları əsasında proqnozlar hazırlamağa imkan verən süni intellekt startapı "Kumo AI"ı satın alıb.

Valyuta.az xəbər verir ki, satınalma müqaviləsinin maliyyə dəyəri açıqlanmayıb.

"Kumo AI" şirkətlərin məlumatlarını avtomatik təhlil edərək müştəri itkisi, satış tendensiyaları və tələbat dəyişiklikləri ilə bağlı proqnozlar hazırlayır. Startapın texnologiyası məlumatların emalı və model qurulması prosesini təxminən 95% sürətləndirir.

"Nvidia" satınalmanın səbəbləri barədə açıqlama verməsə də, şirkətin son dövrlərdə süni intellekt proqram təminatı və məlumat analitikası sahələrində fəaliyyətini genişləndirdiyi bildirilir.

Qeyd edək ki, "Kumo AI" 2022-ci ildə "Sequoia Capital"ın rəhbərlik etdiyi investisiya raundunda 37 milyon dollar investisiya cəlb edib.