Azərbaycanda pivə istehsalı artıb

Bu ilin yanvar-mart aylarında Azərbaycanda 853,2 min dekalitr pivə istehsal edilib.

Valyuta.az Dövlət Statistika Komitəsinə istinadən xəbər verir ki, bu göstərici ötən ilin eyni dövrü ilə müqayisədə 85,4 min dekalitr və ya 11,13% çoxdur.

Qeyd edək ki, 2025-ci ilin yanvar-mart aylarında ölkədə 767,8 min dekalitr pivə istehsal olunmuşdu.

Aprelin 1-nə Azərbaycanda 215,0 min dekalitr hazır məhsul ehtiyatı yaranıb ki, bu da bir il əvvələ nisbətən 9,2 min dekalitr və ya 4,10% azdır.

Xatırladaq ki, ötən ilin eyni dövründə ölkədə hazır məhsul ehtiyatı 224,2 min dekalitr təşkil edib.

Tənzilə Ağabalayeva