Sığortaçıları ziyana salan növ - ödənişlər yığımları 2,8 dəfə üstələdi

Cari ilin ilk 4 ayında sığorta şirkətləri üçün ən yüksək zərərlilik hava nəqliyyatı vasitələrinin sığortası üzrə qeydə alınıb.

Valyuta.az xəbər verir ki, 2026-cı ilin yanvar-aprel aylarında hava nəqliyyatı vasitələrinin sığortası üzrə yığımlar 115 min manat təşkil etdiyi halda, ödənişlər 323 min manata çatıb.

Beləliklə, bu sığorta növü üzrə ödənişlər yığımları təxminən 2,8 dəfə üstələyib. Başqa sözlə, hər 100 manat sığorta haqqına qarşılıq şirkətlər təxminən 281 manat ödəniş həyata keçiriblər.

Ötən ilin eyni dövründə hava nəqliyyatı vasitələrinin sığortası üzrə nə yığım, nə də ödəniş qeydə alınmayıb.

Sərvanə Rəmixanova