"Atəşgah Sığorta"da yığımlar 1,6 milyon manat azaldı

“Atəşgah” Sığorta Şirkəti ASC-nin yığımları azalıb, ödənişləri artıb.

Valyuta.az xəbər verir ki, cari ilin I rübündə “Atəşgah” Sığorta Şirkətinin yığımları illik müqayisədə 1 milyon 598 min manat və ya 10,76% azalaraq 13 milyon 251 min manat təşkil edib.

Xatırladaq ki, 2025-ci ilin I rübündə şirkətin yığımları 14 milyon 849 min manat idi.

“Atəşgah” Sığorta Şirkətinin sığorta ödənişləri isə illik müqayisədə I rübdə 1 milyon 291 min manat və ya 15,37% artıb.

Cari ilin ilk 3 ayında sığorta şirkəti 9 milyon 689 min manat ödəniş edib ki, ötən ilin eyni dövründə bu rəqəm 8 milyon 398 min manat təşkil edib.

Hesabata əsasən, “Atəşgah” Sığorta Şirkəti 2026-cı ilin ilk 3 ayına görə hər 100 manatdan 73,11 manatını ödənişə ayırıb, ötən ilin eyni dövründə bu göstərici 56,55 manat olub. Bu isə şirkətin zərərlilik nisbətinin 16,56 faiz bəndi artdığını göstərir.

Sərvanə Rəmixanova