Mərkəzi Bank 3 sığorta agentinin lisenziyasını ləğv edib

Sığorta sektorunda lisenziyaların ləğvi ilə bağlı qərar qəbul edilib.

Valyuta.az xəbər verir ki, Azərbaycan Mərkəzi Bankı 1 hüquqi şəxs və 2 fiziki şəxs olmaqla ümumilikdə 3 sığorta agentinin fəaliyyəti üçün verilmiş lisenziyaları ləğv edib.

Məlumata görə, bu qərar “Sığorta fəaliyyəti haqqında” Azərbaycan Respublikasının Qanununun 107.1.2-ci maddəsinə uyğun olaraq qəbul olunub. Belə ki, lisenziya sahibləri lisenziyalarının qüvvəsinin dayandırılmasına səbəb olan halları müəyyən edilmiş müddətdə aradan qaldırmayıblar.