Kredit ittifaqlarının zərəri I rübdə təxminən 4 dəfə artıb

Cari ilin I rübündə kredit ittifaqları kreditlər üzrə faiz gəlirlərindən 0,5 milyon manat əldə edib.

Valyuta.az xəbər verir ki, bu göstərici ötən ilin eyni dövrü ilə müqayisədə dəyişməyib.

Qeyri-faiz gəlirləri isə 0,1 milyon manat təşkil edib və bu sahədə də illik müqayisədə dəyişiklik qeydə alınmayıb.

Qeyri-faiz xərcləri isə azalıb. Belə ki, ötən ilin I rübündə 0,4 milyon manat olan bu göstərici cari ilin eyni dövründə 0,3 milyon manata düşüb. Bu da 0,1 milyon manat və ya 25% azalma deməkdir.

Nəticədə kredit ittifaqlarının əməliyyat mənfəəti 0,3 milyon manat təşkil edib ki, bu da ötən ilin eyni dövrü ilə müqayisədə dəyişməyib.

Bununla belə, kredit ittifaqları cari ilin I rübünü 0,7 milyon manat xalis zərərlə başa vurub. Ötən ilin eyni dövründə isə bu göstərici 0,18 milyon manat zərər olub. Bu da zərərin illik müqayisədə 0,52 milyon manat və ya təxminən 3,9 dəfə artdığını göstərir.

Sərvanə Rəmixanova