"Bank xeyriyyə təşkilatı deyil, kommersiya qurumudur"

Bankların qəpik pulların dəyişdirilməsi ilə bağlı tətbiq etdiyi komissiyalar və prosedurlar hansı qaydalarla tənzimlənir?

Bank məsələləri üzrə ekspert Əkrəm Həsənov Valyuta.az-a bildirib ki, ümumilikdə məsələ ondadır: bank xeyriyyə təşkilatı deyil, kommersiya qurumudur:

"Buna görə də onun göstərdiyi xidmətlər ödənişli ola bilər. Yəni, bankın pulun xırdalanması və ya bütövlənməsini mütləq şəkildə komissiyasız həyata keçirmək öhdəliyi yoxdur. Bank əməkdaş saxlayır, əməliyyat xərcləri çəkir və buna görə də müəyyən xidmətlərə görə ödəniş tələb edə bilər. “Banklar haqqında” Qanuna əsasən də, banklar komissiya və xidmət haqlarını müəyyən etməkdə sərbəstdirlər. Yəni, bank müştəriyə xidmət şərtlərini və qiymətlərini təqdim edir, müştəri də istəyərsə, həmin xidmətdən istifadə edir. Burada qanun pozuntusu hesab ediləcək hal yoxdur".

Mayya Hüseynova