"PAŞA Bank" reklam xərclərini azaldıb

"PAŞA Bank"ın illik hesabatına əsasən, cəmi ümumi və inzibati xərclər 2024-cü ildə 53,740 milyon manat olduğu halda, 2025-ci ildə 51,031 milyon manata enib.

Valyuta.az xəbər verir ki, bankın ümumi və inzibati xərcləri illik müqayisədə 2,709 milyon manat və ya 5% azalıb.

2025-ci ildə bankın ən böyük ümumi və inzibati xərci proqram təminatı üzrə olub. Hesabata görə, bu sahəyə çəkilən xərclər 2024-cü ildəki 13,621 milyon manatdan 2025-ci ildə 14,039 milyon manata yüksəlib. Nəticədə proqram təminatı xərcləri 418 min manat və ya 3,1% artıb.

Reklam xərcləri isə 2,584 milyon manat və ya 42,9% azalıb. 2024-cü ildəki 6,019 milyon manatdan, 2025-ci ildə 3,435 milyon manata düşüb.

Xeyriyyə və sponsorluq xərcləri 3,122 milyon manat artaraq 2025-ci ildə 3,325 milyon manata çatıb. 2024-cü ildə 203 min manat idi. 

Mayya Hüseynova