Son 1 ayda bank sektorunda işləyənlərin sayı 36 nəfər azalıb

2026-cı il aprelin 1-nə Azərbaycan bank sektorunda çalışanların sayı 27 241 nəfər təşkil edib.

Valyuta.az xəbər verir ki, bank sektorunda işçilərin sayı illik müqayisədə 1 486 nəfər və ya 5,8% artıb.

Bu göstərici 2025-ci ilin eyni dövründə 25 755 nəfər olub.

Aylıq müqayisədə isə 2026-cı il martın 1-nə bank işçilərinin sayı 27 277 nəfər olub. Aprelin 1-nə bu rəqəm 27 241 nəfərə düşüb.

Nəticədə bir ay ərzində işçilərin sayı 36 nəfər və ya 0,13% azalıb.