"Xalq Bank"ın mənfəəti 2,5 milyon manat azalıb

"Xalq Bank" 2026-cı ilin ilk üç ayı üzrə maliyyə göstəricilərini açıqlayıb. Hesabata əsasən, bankın xalis mənfəəti ötən ilin eyni dövrü ilə müqayisədə azalıb.

Valyuta.az xəbər verir ki, cari ilin yanvar-mart aylarında bank 9 milyon 390.54 min manat xalis mənfəət əldə edib.

Bu, 2025-ci ilin ilk üç ayı ilə müqayisədə 2 milyon 467.34 min manat və ya 20.8% azdır. Ötən ilin eyni dövründə bankın xalis mənfəəti 11 milyon 857.88 min manat idi.

Hesabat dövründə "Xalq Bank"ın faiz gəlirləri illik müqayisədə 5.9% artaraq 51 milyon 476.16 min manata çatıb. Faiz xərcləri isə 31.1% yüksələrək 19 milyon 794.55 min manat təşkil edib.

Bankın qeyri-faiz gəlirləri 7.2% azalaraq 9 milyon 647.94 min manata düşüb. Qeyri-faiz xərcləri isə əksinə, 22.9% artaraq 28 milyon 530.68 min manat olub.

2026-cı il aprelin 1-nə bankın cəmi aktivləri 3 milyard 020 milyon 791 min manat təşkil edib. Bu göstərici bir il əvvəlki dövrlə müqayisədə 23 milyon 317 min manat və ya 0.8% azdır.

Müştərilərə verilən kreditlərin həcmi də azalıb. Hesabat dövrünün sonuna bankın kredit portfeli 1 milyard 817 milyon 145 min manat olub ki, bu da illik müqayisədə 21 milyon 444 min manat və ya 1.2% azalma deməkdir.