24 nəfər Çernobıl əlilinə pulsuz avtomobil veriləcək

Tibbi göstərişi olan əlilliyi olan şəxslər üçün avtomobillərin satınalınması ilə bağlı tender yekunlaşıb.

Valyuta.az xəbər verir ki, satınalma Çernobıl Atom Elektrik Stansiyasında baş vermiş qəzanın nəticələrinin aradan qaldırılmasında iştirak etmiş və bu səbəbdən əlilliyi müəyyən edilmiş şəxslərə şamil edilir.

Məlumata əsasən, həyata keçirilən tədbirlər çərçivəsində 24 nəfər 2025-ci il istehsalı olan sedan tipli avtomobillə təmin olunacaq. Müsabiqənin qalibi "Azərmaş Park" MMC olub.

Qeyd edək ki, tender “Sosial Xidmətlər Agentliyi” publik hüquqi şəxsi tərəfindən elan edilib. Layihə üçün 390 600 manat vəsait ayrılıb.

Mayya Hüseynova