“A-Qroup Sığorta”nın xalis sığorta ehtiyatları azaldı

“A-Qroup Sığorta” ASC-nin 2025-ci il üzrə maliyyə göstəriciləri açıqlanıb.

Valyuta.az xəbər verir ki, şirkət ötən il 22 milyon 85 min 60,88 manat cəmi gəlir əldə edib. 2024-cü ildə bu göstərici 21 milyon 676 min 354,98 manat olub. Beləliklə, illik müqayisədə gəlirlər 408 min 705,90 manat və ya 1,88% artıb.

Əsas əməliyyat gəlirləri 21 milyon 531 min 677,21 manat təşkil edib. 2024-cü ildə bu rəqəm 19 milyon 578 min 88,73 manat olub. Bu isə 1 milyon 953 min 588,48 manat və ya 9,98% artım deməkdir.

Əsas əməliyyatlar üzrə birbaşa sığorta haqları 20 milyon 738 min 432,76 manat olub. 2024-cü ildə bu göstərici 18 milyon 717 min 233,54 manat təşkil edib. Nəticədə 2 milyon 21 min 199,22 manat və ya 10,80% artım qeydə alınıb.

Ötən il sığorta şirkətinin xalis sığorta ehtiyatlarının dəyişməsi 1 milyon 93 min 50,79 manat olub ki, bu da şirkətin ehtiyatlarının azaldığını göstərir.

İnvestisiya gəlirləri 1 milyon 131 min 192,92 manat təşkil edib. 2024-cü ildə bu rəqəm 727 min 705,54 manat olub. Beləliklə, 403 min 487,38 manat və ya 55,45% artım müşahidə olunub.

Subroqasiya gəlirləri 235 min 368,33 manat olub. 2024-cü ildə isə 369 min 407,26 manat təşkil edib. Bu isə illik müqayisədə 134 min 38,93 manat və ya 36,28% azalma deməkdir.

Sərvanə Rəmixanova