Amerikalı iş adamı 1 milyardlıq "Bitcoin" aldı

ABŞ-li iş adamı, texnologiya sahibkarı və "Strategy" şirkətinin həmtəsisçisi Maykl Seylorun rəhbərlik etdiyi şirkət ötən həftə daha bir iri həcmli "Bitcoin" alışı həyata keçirib.

Valyuta.az xəbər verir ki, şirkət 1 milyard dollar xərcləyərək 13 927 ədəd BTC əldə edib.

Bu alışdan sonra şirkətin balansında saxladığı ümumi "Bitcoin" həcmi 780 897 BTC-yə yüksəlib. Son alış üzrə orta qiymət 71 902 dollar olub.

Məlumata görə, bu əməliyyat şirkətin 2026-cı ildə reallaşdırdığı dördüncü ən böyük "Bitcoin" alışı hesab olunur. Alış əsas səhm olan MSTR deyil, STRC adlı imtiyazlı səhmlərin satışı hesabına maliyyələşdirilib.

Qeyd edək ki, şirkət ötən həftə 10 milyon ədəd STRC səhmi sataraq 1 milyard dollar vəsait cəlb edib.

"Strategy" 2020-ci ildən bu yana "Bitcoin" alışlarına ümumilikdə 59 milyard dollar vəsait yönəldib. Hazırda bu portfelin bazar dəyərinin təxminən 55,4 milyard dollar olduğu bildirilir. Bu isə kağız üzərində təxminən 3,6 milyard dollarlıq fərq deməkdir.

Şirkətin bütün alışlar üzrə orta "Bitcoin" əldə etmə qiyməti isə 75 577 dollar səviyyəsindədir.

Sərvanə Rəmixanova