“Atəşgah Həyat”ın əməliyyat xərclərində ciddi artım qeydə alınıb

“Atəşgah Həyat” Sığorta Şirkəti ASC-nin mənfəət və zərər haqqında hesabatı açıqlanıb.

Valyuta.az xəbər verir ki, şirkətin hesabat dövründə xalis mənfəəti 10 milyon 340 min 948,47 manat təşkil edib. Bu, əvvəlki illə müqayisədə 2 milyon 856 min 164,93 manat və ya 38,16% artım deməkdir.

Qeyd edək ki, şirkətin 2024-cü ildə xalis mənfəəti 7 milyon 484 min 783,54 manat olub.

Şirkətin əsas əməliyyat gəlirləri 112 milyon 609 min 783,04 manat təşkil edib ki, bu da illik müqayisədə 21 milyon 79 min 452,58 manat və ya 23,03% artım deməkdir. 2024-cü ildə bu göstərici 91 milyon 530 min 330,46 manat olub.

Eyni zamanda, şirkətin əməliyyat xərclərində də artım qeydə alınıb. 2025-ci ildə əməliyyat xərcləri 72 milyon 592 min 217,80 manat təşkil edib. Bu isə əvvəlki illə müqayisədə 15 milyon 974 min 645,55 manat və ya 28,21% artım deməkdir.

Xatırladaq ki, 2024-cü ildə şirkətin əməliyyat xərcləri 56 milyon 617 min 572,25 manat olub.

Tənzilə Ağabalayeva