“Atəşgah Sığorta”nın əsas əməliyyat gəlirləri 14 milyon manat azaldı

2025-ci ildə “Atəşgah Sığorta” ASC-nin əməliyyat gəlirlərində artım müşahidə olunsa da, əsas fəaliyyət üzrə gəlirlərdə azalma qeydə alınıb.

Valyuta.az xəbər verir ki, şirkətin 2025-ci ildə ümumi əməliyyat gəlirləri 71 milyon 908 min 975,04 manat təşkil edib. Bu göstərici 2024-cü ildə 69 milyon 654 min 276,38 manat olub. Beləliklə, əməliyyat gəlirləri 2 milyon 254 min 698,66 manat və ya 3,24% artıb.

Əsas əməliyyatlardan əldə olunan gəlirlər 63 milyon 957 min 631,22 manat olub. 2024-cü ildə bu göstərici 77 milyon 943 min 131,81 manat təşkil edib. Nəticədə, əsas əməliyyat gəlirləri 13 milyon 985 min 500,59 manat və ya 17,94% azalıb.

Şirkətin birbaşa sığorta üzrə sığorta haqları 63 milyon 805 min 868,02 manat olub. 2024-cü ildə bu rəqəm 76 milyon 452 min 579,89 manat təşkil edib. Bu isə 12 milyon 646 min 711,87 manat və ya 16,54% azalma deməkdir.

"Atəşgah Sığorta" ASC-nin investisiya gəlirləri 3 milyon 92 min 899,60 manat təşkil edib. 2024-cü ildə bu göstərici 2 milyon 398 min 847,44 manat olub ki, bu da illik müqayisədə 694 min 52,16 manat və ya 28,93% artım deməkdir.

Eyni zamanda subroqasiya gəlirləri ötən il 1 milyon 41 min 618,34 manat olub. 2024-cü ildə bu rəqəm 952 min 380,09 manat təşkil edib. Bu isə 89 min 235,25 manat və ya 9,37% artım deməkdir.

Sair gəlirlər 1 milyon 170 min 646,75 manat olub. 2024-cü ildə bu göstərici 1 milyon 262 min 673,00 manat təşkil edib. Beləliklə, sair gəlirlər 92 min 26,25 manat və ya 7,29% azalıb.

Beləliklə, şirkətin ümumi gəlirlərində artım əsasən investisiya və sair gəlirlər hesabına baş verib, əsas sığorta fəaliyyətindən daxilolmalarda isə azalma müşahidə olunub.

Sərvanə Rəmixanova