“Atəşgah”da ziddiyyətli dinamika: Yığımlar azalıb, ödənişlər artıb

“Atəşgah” Sığorta ASC-nin sığorta haqlarında azalma, ödənişlərində isə artım qeydə alınıb.

Valyuta.az xəbər verir ki, şirkət 2026-cı ilin ilk iki ayında 8 milyon 337 min manat sığorta haqqı toplayıb. Bu göstərici ötən ilin eyni dövründə 9 milyon 637 min manat olub.

Beləliklə, illik müqayisədə sığorta haqları 1 milyon 300 min manat və ya 13,5% azalıb.

Eyni zamanda, hesabat dövründə sığorta ödənişlərində artım müşahidə olunub.

Belə ki, 2026-cı ilin yanvar-fevral aylarında ödənişlər 7 milyon 479 min manat təşkil edib. Bu rəqəm 2025-ci ilin müvafiq dövründə 5 milyon 997 min manat olub.

Nəticədə, sığorta ödənişləri illik müqayisədə 1 milyon 482 min manat və ya 24,71% artıb.

Tənzilə Ağabalayeva