"AZAL" ilk 3 ayda 7,6 milyon manat gəlir əldə edib

2026-cı ilin I rübündə “Azərbaycan Hava Yolları” (AZAL) qeyri-neft sektoru üzrə dövlətə məxsus əsas ixracatçı subyektlər arasında yer alıb.

Valyuta.az xəbər verir ki, bu ilin yanvar-mart aylarında şirkət 4,5 milyon ABŞ dolları gəlir əldə edib ki, bu da təxminən 7,65 milyon manat təşkil edir.

Ötən ilin eyni dövründə isə gəlirlər 3,8 milyon ABŞ dolları (təxminən 6,46 milyon manat) olub.

Bu, illik müqayisədə 0,7 milyon ABŞ dolları və ya 18,42% artım deməkdir. Manat ifadəsində isə artım təxminən 1,19 milyon manat təşkil edir.