“Azərbaycan Sənaye Sığorta” ili zərərlə başa vurdu

“Azərbaycan Sənaye Sığorta” ASC şirkətin gəlirlərində artım müşahidə olunsa da,  şirkət 2025-ci ili zərərlə başa vurub.

Valyuta.az xəbər verir ki, ötən il şirkətin ümumi gəlirləri 29 milyon 287 min 161,54 manat təşkil edib. Bu, 2024-cü illə müqayisədə 2 milyon 437 min 316,68 manat və ya 9,07% artım deməkdir. 2024-cü ildə şirkətin ümumi gəliri 26 milyon 849 min 844,86 manat olub.

Şirkətin əsas əməliyyat gəlirləri artaraq 33 milyon 449 min 746,16 manata çatıb. Bu, əvvəlki illə müqayisədə 7 milyon 142 min 234,57 manat və ya 27,14% çoxdur. 2024-cü ildə bu göstərici 26 milyon 307 min 511,59 manat təşkil edib.

Lakin gəlirlərlə yanaşı xərclərdə də ciddi artım qeydə alınıb. 2025-ci ildə şirkətin ümumi xərcləri 31 milyon 875 min 559,58 manat olub. Bu, 2024-cü illə müqayisədə 6 milyon 646 min 985,21 manat və ya 26,35% artım deməkdir. 2024-cü ildə xərclər 25 milyon 228 min 574,37 manat olub.

Eyni zamanda əsas əməliyyat xərcləri də artaraq 17 milyon 936 min 679,70 manata yüksəlib. Bu, illik müqayisədə 1 milyon 600 min 497,17 manat və ya 9,8% artım deməkdir. 2024-cü ildə əsas əməliyyat xərcləri 16 milyon 336 min 182,53 manat təşkil edib.

Bununla da artan xərclər şirkətin maliyyə nəticələrinə mənfi təsir edib. Nəticədə “Azərbaycan Sənaye Sığorta” 2025-ci ili 2 milyon 588 min 398,04 manat xalis zərərlə başa vurub. 2024-cü ildə isə şirkət 1 milyon 621 min 270,49 manat xalis mənfəət əldə edib.

Bundan əlavə, xalis sığorta ehtiyatlarının dəyişməsi nəticəsində 7 milyon 192 min 792,33 manat zərər qeydə alınıb. 2024-cü ildə bu göstərici 2 milyon 957 min 310,28 manat zərər idi.

Beləliklə, gəlirlər artsa da, xərclərin daha sürətli yüksəlməsi şirkətin maliyyə nəticəsini mənfiyə çevirib.

Sərvanə Rəmixanova