Azərbaycana orta qiyməti 470 min manat olan elektrik avtobusları gətirilib

2026-cı ilin yanvar ayında sürücü daxil olmaqla 10 və daha çox sərnişin daşımaq üçün nəzərdə tutulmuş 36 842,65 min ABŞ dollar dəyərində 189 ədəd mühərrikli nəqliyyat vasitəsi ölkəyə gətirilib.

Valyuta.az xəbər verir ki, illik müqayisədə bu kateqoriya üzrə idxal dəyər ifadəsində 31 029,35 min ABŞ dolları və ya 6,3 dəfə, say ifadəsində isə 118 ədəd və ya 2,7 dəfə artıb.

2025-ci ilin yanvar ayında bu göstərici 5 813,30 min ABŞ dolları dəyərində 71 ədəd təşkil edib.

Bununla yanaşı, yanvar ayında Azərbaycana Çindən iri həcmdə elektrik avtobusları da idxal olunub. Rəsmi statistikaya görə, ölkəyə 29,083 milyon ABŞ dolları dəyərində 105 ədəd yalnız elektrik mühərriki ilə işləyən avtobus gətirilib.

Hesablamalara əsasən, bir elektrik avtobusunun orta qiyməti təxminən 277 min ABŞ dolları (təxminən 470 min manat) təşkil edir.

Mayya Hüseynova