“Azərişıq” Novxanıda yeni yarımstansiya tikəcək - 4,1 milyonluq layihə

“AZƏRİŞIQ” ASC enerji infrastrukturunun yenilənməsi üçün yeni layihə üçün satınalma müqaviləsi elan edib.

Valyuta.az xəbər verir ki, qurum Abşeron rayonu, Novxanı qəsəbəsində yerləşən mövcud 6/0,4 kV-luq 919 saylı paylayıcı qurğunun əvəzlənməsi məqsədilə 35/6 kV-luq yeni yarımstansiyanın tikintisini nəzərdə tutur.

Layihə üzrə elan olunan tenderin dəyəri 4 milyon 105 min 696 manat müəyən olunub.

Qeyd olunur ki, tender proseduru aprelin 30-dək davam edəcək.